آمريڪا ۽ روس وچ ۾ جوهري هٿيارن جي تعداد کي محدود ڪرڻ وارو آخري معاهدو “نیو اسٽارٽ” اڄ ختم ٿي ويو آهي۔
غير ملڪي ميڊيا جي مطابق، نيو اسٽارٽ معاهدو اڄ 5 فيبروري تي ختم ٿي ويو آهي ۽ ٻنهي ڌرين جي وچ ۾ معاهدي ۾ توسيع يا ڪنهن متبادل منصوبه تي ڪو به اتفاق راءِ نه ٿي سگهيو۔
ان سلسلي ۾ روسي صدر جي معاون يوري اوشاکوف چيو آهي ته روس سفارتي ذريعن ذريعي اسٽريٽجڪ استحڪام برقرار رکڻ لاءِ پرعزم آهي۔
رپورٽ موجب معاهدي جي خاتمي کان هڪ ڏينهن اڳ جاري ڪيل بيان ۾ روسي وزارتِ خارجه چيو ته ٻنهي ڌرين هاڻي معاهدي جي دائري ۾ ڪنهن به ذميواري جا پابند نه رهيا آهن ۽ مستقبل جي قدمن کي آزادانه طور تي مقرر ڪرڻ جا اختيار رکن ٿا۔
واضح رهي ته 2010 ۾ ٿيل معاهدي تحت آمريڪا ۽ روس جوهري وار هيڊز ۽ بين الاقوامي بيليسٽڪ ميزائيلن جي تعداد کي محدود رکڻ جا پابند هئا۔
ٻئي طرف، گڏيل قومن جي سيڪريٽري جنرل انتونيو گوتيرس آمريڪا ۽ روس کان نئين جوهري معاهدي تي جلد از جلد دستخط ڪرڻ جو مطالبو ڪيو آهي، ته جيئن انهي سلسلي ۾ خدشن کي ختم ڪري سگهجي۔
