آمريڪي صدر ڊونلڊ ٽرمپ ملائيشيا ويندي رستي ۾ قطر جي دوحا ايئرپورٽ تي جهاز ۾ قطر جي امير، تميم بن حمد آل ثاني سان مختصر ملاقات ڪئي۔ ڊونلڊ ٽرمپ چيو ته قطر آمريڪا جو تمام وڏو ۽ عظيم اتحادي آهي، ۽ اميرِ قطر جي ڪوششن سان علائقي ۾ امن قائم ٿيو آهي۔
تفصيل موجب، آمريڪي صدر ڊونلڊ ٽرمپ جو چوڻ هو ته قطر آمريڪا جو تمام وڏو ۽ عظيم اتحادي آهي، امير پنهنجي ملڪ جي عوام ۾ محبوب ۽ قابلِ احترام شخصيت آهن، مشرقي وسطيٰ ۾ امن جي حوالي سان پيش رفت قابلِ يقين آهي، ۽ غزه ۾ تمام جلد امن فورس جوڙجي ويندي۔
هن وڌيڪ چيو ته جيڪڏهن ضرورت پئي ته قطر به غزه ۾ فوج موڪليندو، اسان غزه ۾ پائيدار امن چاهيون ٿا۔ هن واضح ڪيو ته هو پيوٽن سان تڏهن تائين ملاقات نه ڪندو، جيستائين هو جنگبندي تي راضي نه ٿين۔ چين روسي تيل جي خريداري ۾ نمايان گهٽتائي آندي آهي، جڏهن ته ڀارت مڪمل طور تي خريداري بند ڪري ڇڏي آهي۔
