وزير دفاع خواجه آصف چيو آهي ته پاڪستان تحريڪ انصاف (پي ٽي آءِ) پاڪ-افغان لاڳاپن کي صرف پنهنجي ڪاروباري مفادن جي حوالي سان نه ڏسي۔
خميس ڏينهن، سماجي رابطي جي ويب سائيٽ “ايڪس” تي پنهنجي بيان ۾ خواجه آصف چيو ته پي ٽي آءِ دوحه معاهدي جو آڌرڀاءُ ڪري رهي آهي، جيڪا سٺي ڳالهه آهي، پر درخواست آهي ته پاڪ-افغان لاڳاپن کي صرف ڪاروباري تناظر ۾ نه ڏٺو وڃي۔
خواجه آصف وڌيڪ چيو ته الله انهن کي دهشتگردي جي مذمت ڪرڻ جي توفيق ڏئي۔ دعا آهي ته الله پاڪ انهن کي شهيدن جي قربانين ۽ دهشتگردي خلاف جنگ ۾ پاڪ فوج سان يڪجهتي ڪرڻ جي توفيق عطا فرمائي۔
