وزيراعظم جي صلاحڪار سينيٽر رانا ثناءُ الله واضح ڪيو ته هاڻي پي ٽي آءِ سان ڳالهين جو ڪو به امڪان ناهي.
رانا ثناءُ الله چيو ته پي ٽي آءِ جي باني عمران خان جي ٽوئيٽ کان پوءِ پيدا ٿيل صورتحال وڌيڪ پيچيده ٿيندي نظر اچي رهي آهي. باني صورتحال کي وڌيڪ خراب موڙ تي وٺي ويو آهي.
هن چيو ته وزيراعظم پي ٽي آءِ کي ايوان ۾ ڳالهين جي آڇ ڪئي هئي، هو وزيراعظم جي آڇ واپس نه ٿو وٺي سگهي ۽ نه ئي هن ان کي واپس ورتو آهي.
ان کان اڳ پنهنجي بيان ۾ رانا ثناءُ الله هڪ ڀيرو ٻيهر پي ٽي آءِ کي ڳالهين جي دعوت ڏني هئي ۽ چيو هو ته جمهوريت ڊيڊ لاڪ ذريعي نه پر ڳالهين ذريعي اڳتي وڌندي آهي.
هن چيو ته وزيراعظم پاران پي ٽي آءِ کي ڪيل ڳالهين جي آڇ اڄ به موجود آهي.
وفاقي اطلاعات واري وزير عطاءُ الله تارڙ پڻ چيو آهي ته پي ٽي آءِ ڳالهين جو موقعو وڃائي ڇڏيو آهي ۽ هاڻي انارڪي، دهشتگرد يا انتها پسند خيالن وارن ڪنهن سان به ڳالهين جي ڪا گنجائش ناهي.
