اسلام آباد: وفاقي عدالت گٽڪا ايڪٽ خلاف داخل درخواست رد ڪري ڇڏي آهي ۽ گٽڪا کي انساني صحت لاءِ انتهائي خطرناڪ قرار ڏئي ڇڏيو آهي.
تفصيل موجب وفاقي آئيني عدالت ۾ گٽڪا ايڪٽ خلاف درخواست تي ٻڌڻي ٿي ۽ جسٽس حسن رضوي جي سربراهي ۾ ٻه رڪني بينچ ڪيس جي ٻڌڻي ڪئي.
وفاقي عدالت گٽڪا ايڪٽ خلاف داخل درخواست رد ڪندي اعلان ڪيو ته گٽڪا انساني صحت لاءِ انتهائي خطرناڪ آهي.
ٻڌڻي دوران جسٽس حسن رضوي ريمارڪس ڏنا ته گٽڪا سگريٽ کان وڌيڪ نقصانڪار آهي ۽ وات جي ڪينسر جو وڏو سبب بڻجي رهيو آهي.
هن وڌيڪ چيو ته گٽڪا سڙيل ڦڦڙن مان تيار ڪيو ويندو آهي، جنهن جا اثر انتهائي خطرناڪ آهن، جڏهن ته اسپتالن ۾ گٽڪا جي مريضن جو انگ عام ٿي چڪو آهي.
وڪيل شاهه خاور عدالت کي ٻڌايو ته هن کي اپيل بابت پنهنجي مؤڪل کان ڪا به هدايت نه ملي آهي.
ان تي جسٽس حسن رضوي ريمارڪس ڏنا ته، “جيڪڏهن توهان ائين چئو ٿا، ته اسان توهان جي مؤڪل کي عدالت ۾ طلب ڪنداسين ۽ پوءِ کيس عدالت جي ڪمري ۾ گٽڪا پيئڻ تي مجبور ڪنداسين.”
عدالت انهن ريمارڪس کان پوءِ گٽڪا ايڪٽ خلاف اپيل رد ڪري ڇڏي.
