آءِ سي سي مينز ٽي 20 ورلڊ ڪپ 2026 جو ممڪن شيڊول ظاهر ڪيو ويو آهي، جيڪو ڀارت ۽ سريلنڪا جي گڏيل ميزباني ۾ هوندو. ايونٽ فيبروري کان 8 مارچ تائين کيڏيو ويندو.
ذريعن موجب، آءِ سي سي ٽي 20 ورلڊ ڪپ 2026 جي شيڊول جو اعلان اڄ ڪيو ويندو، شيڊول جو اعلان اڄ ممبئي ۾ هڪ تقريب دوران ڪيو ويندو. ڀارت ۽ سريلنڪا آءِ سي سي ٽي 20 ورلڊ ڪپ 2026 جا گڏيل ميزبان آهن.
پاڪستان ۽ ڀارت جون ٽيمون هڪ ئي گروپ ۾ آهن، ميچ 15 فيبروري تي ٿيندو، پاڪستان ۽ ڀارت جون ٽيمون ڪولمبو ۾ مقابلو ڪنديون، پاڪستاني ٽيم سڀئي ميچ سريلنڪا ۾ کيڏندي. پاڪستان ۽ ڀارت سان گڏ، گروپ ۾ آمريڪا، نميبيا ۽ هالينڊ جون ٽيمون شامل آهن.
آءِ سي سي ٽي 20 ورلڊ ڪپ جي 20 ٽيمن کي 4 گروپن ۾ ورهايو ويو آهي، پوئين فارميٽ وانگر، هر گروپ جون ٽاپ ٻه ٽيمون سپر ايٽ اسٽيج لاءِ ڪواليفائي ڪنديون. سپر ايٽ مرحلي ۾، 8 ٽيمن کي ٻن گروپن ۾ ورهايو ويندو، ٻنهي گروپن جون مٿيون ٻه ٽيمون سيمي فائنل لاءِ ڪواليفائي ڪنديون.
هندستان ۾، ميچ ڪولڪتا، چنائي، دهلي ۽ احمد آباد ۾ کيڏيا ويندا، سريلنڪا ۾، ميچ ڪولڪتا ۽ ڪينڊي ۾ کيڏيا ويندا. احمد آباد کي فائنل لاءِ چونڊيو ويو آهي، جيڪڏهن پاڪستان فائنل ۾ پهچي ٿو ته فائنل ڪولمبو ۾ ٿيندو. سيمي فائنل لاءِ ممبئي ۽ ڪولڪتا کي چونڊيو ويو آهي. جيڪڏهن پاڪستان سيمي فائنل ۾ پهچي ٿو ته سيمي فائنل ڪولمبو ۾ منعقد ڪيو ويندو.
