سريلنڪا ۾ تيز برساتن ۽ ٻوڏ کانپوءِ طوفان دتو 123 ماڻهو مارجي ويا آهن ۽ 130 کان وڌيڪ گم ٿي ويا آهن.
سريلنڪا جي آفت جي انتظام مرڪز چيو آهي ته فوج جي مدد سان بچاءُ جون ڪارروايون جاري آهن. گذريل هفتي جي تيز برساتن کان پوءِ 43,995 ماڻهن کي سرڪاري امدادي مرڪزن ڏانهن منتقل ڪيو ويو آهي، ڇاڪاڻ ته انهن جا گهر تباهه ٿي ويا هئا.
کاتي جي سربراهه چيو ته موسمي نظام ٻيٽ کان هندستان ڏانهن منتقل ٿي رهيو هو، پر وڏي تباهي اڳ ئي ٿي چڪي هئي.
هن چيو ته موسم جا اثر سومر کان محسوس ڪيا ويا هئا، جڏهن ته طوفان اربع تي شروع ٿيو، جنهن سان رڪارڊ برسات پئي.
اختيارين ڪالاني ندي جي ڪناري تي رهندڙ ماڻهن کي علائقي کي خالي ڪرڻ جو حڪم ڏنو آهي.
راڄڌاني ڪولمبو سميت ڪجهه علائقن ۾ برسات گهٽجي وئي آهي، پر ٻيٽ جي اترئين حصي ۾ اڃا تائين طوفان داتو جي اثرن جي ڪري هلڪي برسات پئجي رهي آهي.
آفيسرن کي اميد آهي ته هن ڀيري ٻوڏ جي شدت 2016 کان وڌيڪ ٿي سگهي ٿي، جڏهن ملڪ ۾ 71 ماڻهو فوت ٿيا هئا.
ماهرن جو چوڻ آهي ته هن هفتي جو موسمي نقصان گذريل سال جون کان پوءِ سڀ کان وڌيڪ آهي، جڏهن 26 ماڻهو تيز برساتن ۾ فوت ٿيا، ۽ ڊسمبر ۾ ٻوڏ ۽ لينڊ سلائيڊنگ ۾ 17 ماڻهو فوت ٿيا.
