اهم خبرون

بين الاقوامي

دنيا

October 7, 2022 1:30 pm

آمريڪا ايران خلاف نئين پابندين جو اعلان ڪري ڇڏيو

آمريڪا ايران تي نيون پابنديون لاڳو ڪرڻ جو اعلان ڪري ڇڏيو آهي، ايراني گهرو وزير، مواصلات وارو وزير، ايراني فوج جا ڪمانڊر ۽ ٻيا ماڻهو پابندين ۾ شامل آهن.

آمريڪي خزاني واري کاتي موجب ايران تي نئين پابندين جو مقصد ايران ۾ انٽرنيٽ جي معطلي ۽ پرامن مظاهرين تي پرتشدد ڪريڪ ڊائون ڪري احتجاج کي دٻائڻ آهي.

پابندي مڙهيل ماڻهن جا آمريڪا ۾ اثاثا ضبط ڪيا ويندا ۽ آمريڪي فرد يا ڪمپنيون انهن ماڻهن سان ڪاروبار نه ڪري سگهندا.

واضح رهي ته ايران ۾ حجاب پائڻ جي قانون جي ڀڃڪڙي ڪرڻ تي گرفتار ڪيل 22 سالن جي مهسا اميني 16 سيپٽمبر تي پوليس حراست ۾ دل جو دورو پوڻ سبب فوت ٿي وئي هئي.

ايران ۾ پوليس حراست ۾ عورت جي قتل خلاف 20 ڏينهن کان مظاهرا جاري آهن.

انساني حقن جي تنظيم موجب ايران ۾ مظاهرين خلاف ڪرڪ ڊائون ۾ هينئر تائين 133 ڄڻا مارجي ويا آهن.

وڌيڪ پڙهو: