انڊونيشيا جي ٻيٽ سماٽرا ۾ 6.3 شدت جو زلزلو آيو.
جيو فزڪس ايجنسي جي مطابق، سماٽرا جي آچي صوبي ۾ زلزلي جي کوٽائي 10 ڪلوميٽر هئي، پر سونامي جي ڪا به وارننگ جاري نه ڪئي وئي.
زلزلي سبب ماڻهن ۾ خوف پکڙجي ويو، پر فوري طور تي نقصان جي ڪا به رپورٽ ناهي ملي.
سيڪيورٽي ادارن هدايتون جاري ڪيون آهن ته زلزلي کان پوءِ ممڪن آفٽر شاڪس کي نظر ۾ رکندي عوام محتاط رهي.
انڊونيشيا جي سماٽرا ۾ مختلف علائقا اڳ ئي طوفاني برساتن سبب ٻوڏ ۽ لينڊ سلائيڊنگ جي اثر هيٺ آهن، جنهن جي نتيجي ۾ 20 کان وڌيڪ ماڻهو فوت ٿي چڪا آهن.
