دفاع واري وزير خواجه آصف پڻ اڳوڻي ڊي جي آءِ ايس آءِ ليفٽيننٽ جنرل (ر) فيض حميد جي سزا تي رد عمل ظاهر ڪيو.
ايڪس تي پنهنجي بيان ۾ خواجه آصف چيو ته قوم فيض حميد ۽ جنرل باجوه پاران سالن تائين پوکيل ٻج جو فصل لُٽيندي.
هن لکيو ته الله اسان کي معاف ڪري، الله اسان کي طاقت ۽ اختيار کي پنهنجي مخلوق لاءِ استعمال ڪرڻ جي صلاحيت عطا ڪري، ان کي سندس تحفو سمجهي. هن دعا ڪئي ته ‘خدا جو خوف حڪمرانن جو طريقو هجي، آمين.’
ياد رهي ته اڳوڻي ليفٽيننٽ جنرل فيض حميد کي 14 سال سخت قيد جي سزا ٻڌائي وئي هئي. سزا 11 ڊسمبر 2025 کان لاڳو ڪئي ويندي.
آءِ ايس پي آر چيو ته فيلڊ جنرل ڪورٽ مارشل جو اهو عمل 15 مهينن تائين جاري رهيو، 4 الزامن تي جوابدارن خلاف ڪارروائي ڪئي وئي.
