تحريڪ انصاف نيب چيئرمين آفتاب سلطان جي استعيفا جو آڌرڀاءُ ڪندي چيو آهي ته ان سان سندن موقف جي تصديق ٿي وئي آهي.
جاري ڪيل بيان ۾ پي ٽي آءِ اڳواڻ فواد چوڌري چيو آهي ته نيب چيئرمين جي استعيفا فاشسٽ نظام جي ٽٽڻ طرف وڏو قدم آهي.
هن چيو ته آفتاب سلطان پنهنجي ڪم ۾ مداخلت جي خلاف استعيفا ڏني،مان انهن 22 آفيسرن ، جن کي پنجاب ۾ مداخلت لاءِ لڳايو ويو آهي، چوان ٿو ته هو پاڻ کي موجودهه حڪومت کان الڳ ڪن.
فواد چوڌري چيو ته هي ملڪ ۽ بيوروڪريسي ٻنهي جي مفاد ۾ آهي ته اهي حڪومت کان الڳ ٿين،نيب چيئرمين جي استعيفا پي ٽي آءِ جي موقف جي تصديق آهي.
