پاڪستان تحريڪ انصاف جو وائيس چيئرمين شاهه محمود قريشي اٽڪ جيل مان آزاد ٿيڻ بعد لاهور پهچي ويو.
لاهور جي علائقي هربنس پوره ۾ ميڊيا سان ڳالهائيندي شاهه محمود قريشي چيو ته کيس گذريل رات اٽڪ جيل مان آزاد ڪيو ويو هو.
هن چيو ته جيل ڀريو تحريڪ چيئرنگ ڪراس کان شروع ڪئي وئي، ان ۾ پارٽي ڪارڪنن وڏي انگ ۾ شرڪت ڪئي.
پي ٽي آءِ اڳواڻ وڌيڪ چيو ته ملڪ ۾ شفاف چونڊون ڪرائڻ اسان جو مقصد حاصل ٿي ويو آهي، سپريم ڪورٽ 90 ڏينهن ۾ چونڊن جو نقطو قبول ڪري ورتو آهي.
هن چيو ته مهانگائي ڪنٽرول ۾ ناهي، پ پ حڪومت ناڪام ٿي چڪي آهي، اها ملڪ کي سياسي استحڪام يا معاشي استحڪام نه ڏئي سگهي آهي.
شاهه محمود قريشي اهو به چيو ته پي ٽي ايم حڪومت اڃا تائين آءِ ايم ايف جون ڪيتريون ئي شرطون لڪائي رهي آهي.
هن چيو ته هو ڳالهين کان پري نه رهيا آهن، هو اڄ به ڳالهين لاءِ تيار آهن.
