اسٽيٽ بئنڪ آف پاڪستان وياج جي شرح ۾ 3 سيڪڙو واڌ جو اعلان ڪيو آهي، جنهن کانپوءِ ملڪ ۾ وياج جي شرح 20 سيڪڙو تائين پهچي وئي آهي.

هي آڪٽوبر 1996 کان وٺي ملڪ ۾ سود جي شرح جي بلند ترين سطح آهي.

جنوري 2022ع کان مرڪزي بئنڪ مهانگائي کي ڪنٽرول ڪرڻ لاءِ شرح سود ۾ 1050 بيس پوائنٽس جو اضافو ڪيو آهي.

1/3 The Monetary Policy Committee decided to raise the policy rate by 300 basis points to 20 percent in its meeting today. https://t.co/8ceKtaFu3j pic.twitter.com/OZA85p0Ewx

— SBP (@StateBank_Pak) March 2, 2023

اسٽيٽ بئنڪ آف پاڪستان پاران جاري ڪيل مانيٽري پاليسي بيان ۾ چيو ويو آهي ته وياج جي شرح ۾ 3 سيڪڙو واڌ ڪئي ويندي، جنهن کانپوءِ شرح سود 20 سيڪڙو ٿي ويندي.

مانيٽري پاليسي بيان ۾ چيو ويو آهي ته معاشي پاليسين، پرڏيهي حالتن مختصر مدي ۾ مهانگائي جي صورتحال کي خراب ڪري ڇڏيو آهي.

مانيٽري پاليسي جي بيان ۾ چيو ويو آهي ته هلندڙ مالي سال مهانگائي جي شرح 27 کان 29 سيڪڙو تائين رهندي، نومبر جي پاليسي اجلاس ۾ مهانگائي جي شرح 21 کان 23 سيڪڙو تائين رهڻ جو امڪان هو، مهانگائي جي امڪانن کي گهٽائڻ لاءِ هڪ وڏو فيصلو ڪيو ويو آهي. سود جي شرح ۾ اضافو ضروري هو.

مانيٽري پاليسي بيان ۾ چيو ويو آهي ته ڪرنٽ اڪائونٽ خساري ۾ ٻه ٽي سيڪڙو گهٽتائي باوجود غير يقيني صورتحال برقرار آهي، آءِ ايم ايف پروگرام جو نائين جائزو مختصر مدي ۾ خدشا گهٽ ڪندو، حڪومت جي ايس ٽي ۾ واڌ ڪئي هئي، ايڪسائيز ڊيوٽي ۽ توانائي جون قيمتون ۽ سبسڊيز گهٽ آهن.

اسٽيٽ بئنڪ جو چوڻ آهي ته مانيٽري پاليسي ڪميٽي جو ايندڙ اجلاس 4 اپريل 2023 تي ٿيندو.

ياد رهي ته انٽرنيشنل مانيٽري فنڊ (آءِ ايم ايف) پاڪستان کي اسٽاف ليول معاهدي کان اڳ وياج جي شرح وڌائڻ جو چيو هو.