مسلم ليگ ن جي سينيئر نائب صدر مريم نواز هڪ ڀيرو ٻيهر پاڪستان تحريڪ انصاف جي چيئرمين عمران خان تي تنقيد ڪندي چيو آهي ته هن پنهنجي ٻارن کي لنڊن ۾ محفوظ رکيو آهي ۽ قوم جي ٻارن کي روڊن تي آڻي رهيو آهي.
لاهور ۾ نوجوانن جي تقريب کي خطاب ڪندي مريم نواز چيو ته ڪڏهن چون ٿا ته ٽنگ ٽٽي وئي آهي ته ڪڏهن اهڙي بيماري جو نالو وٺي رهيا آهن جيڪا هوءَ ٻڌائي نتي سگهي، عمران خان عدالت لاءِ بيمار ۽ جلسي لاءِ تيار آهي.
هن چيو ته گذريل ڏينهن لاهور ۾ درجنين پوليس اهلڪارن کي زخمي ڪيو ويو، ڇا قاسم ۽ سلمان جون جانيون قيمتي آهن، پوليس وارن جي ڪا به قيمت ناهي، توهان پنهنجي ڌيءَ جا مجرم آهيو، توهان پنهنجي ڌيءَ جو نالو نٿا وٺي سگهو.
مريم نواز چيو ته نواز شريف مظفر آباد وڃي رهيو هو، سڪيورٽي آفيسر چيو ته هيلي ڪاپٽر ذريعي نه وڃو ڇو ته خطرو آهي، سڪيورٽي آفيسر چيو ته دهشتگرد بني گالا ۾ لڪيل آهن، هيلي ڪاپٽر تي فائرنگ ڪندا، پر نواز شريف چيو مظفر آباد ۾ ماڻهو سندس انتظار ڪن پيا، هو ضرور ويندو.
سندس چوڻ هو ته عمران خان کيس ناني سڏيندو آهي، هو پاڻ نواز شريف جي عمر جو آهي، جيڪڏهن هو وقت تي سٺا فيصلا ڪري ها ته اڄ نانو ۽ ڏاڏو هجي ها.
