بين الاقوامي

دنيا

January 22, 2023 6:11 pm

ڪيليفورنيا جي پارڪ ۾ فائرنگ، درجن کان وڌيڪ ڄڻا مارجي ويا

آمريڪي رياست ڪيليفورنيا جي مانيٽري پارڪ ۾ فائرنگ جي نتيجي ۾ هڪ درجن کان وڌيڪ ماڻهو مارجي ويا.

بين الاقوامي ميڊيا رپورٽون، اکين ڏٺن شاهدن جو حوالو ڏيندي چيو آهي ته فائرنگ گاروي ايونيو جي هڪ ڊانس اسٽوڊيو ۾ رات 10 وڳي کانپوءِ ٿي.

رپورٽ موجب ايشيا سان تعلق رکندڙ ماڻهن جو وڏو انگ هن علائقي ۾ آباد آهي.

جنهن هنڌ فائرنگ جو واقعو پيش آيو، اتي چيني قمري نئون سال ملهايو پيو وڃي.

رپورٽ ۾ قانون لاڳو ڪندڙ ذريعن جي حوالي سان ٻڌايو ويو آهي ته مارجي ويلن جو تعداد هڪ درجن کان مٿي هو.

رپورٽ موجب فائرنگ جي ان واقعي ۾ 16 ڄڻا زخمي پڻ ٿيا آهن.

رپورٽ ۾ اهو به چيو ويو آهي ته پوليس جو وڏو انگ حادثي واري هنڌ پهچي ويو آهي ۽ وڌيڪ جاچ ڪئي پئي وڃي.

وڌيڪ پڙهو: