پاڪستان

September 30, 2022 9:10 pm

وفاقي ڪابينا جي اجلاس ۾ وزيراعظم هائوس مان سائفر جي ڪاپي غائب ٿيڻ جو انڪشاف

وفاقي ڪابينا جي اجلاس ۾ وزيراعظم هائوس مان سائفر جي ڪاپي غائب ٿيڻ جو انڪشاف ٿيو آهي.

وزيراعظم شهباز شريف جي صدارت هيٺ ٿيل ڪابينا جي اجلاس ۾ سفارتي سائِفر سان لاڳاپيل آڊيو ليڪس  جي جاچ لاءِ ڪابينا جي خصوصي ڪميٽي جوڙڻ جي منظوري ڏني وئي.

وفاقي ڪابينا جي اجلاس ۾ قومي سلامتي ڪميٽي ۾ ڪيل  فيصلن  جي به منظوري ڏني وئي.

اجلاس ۾ سفارتي رڪارڊ جي چوري کي آئين، قانون ۽ سيڪريٽ ايڪٽ جي سنگين ڀڃڪڙي قرار ڏنو ويو.

اجلاس کي بريفنگ ڏني وئي ته ڪابينا جي جاچ ڪميٽي اڳوڻي وزيراعظم عمران خان، وفاقي وزيرن ۽ پرنسپل سيڪريٽري خلاف جاچ ڪري قانوني ڪارروائي جو تعين ڪندي.

ڪميٽي ۾ پرڏيهي وزارت، گهرو ۽ قانون واري وزارت جا وزير  شامل هوندا، اتحادي جماعتن جا نمائندا به ڪميٽي جو حصو هوندا.

وفاقي ڪابينا ريڪوڊڪ منصوبي جو  ريفرنس سپريم ڪورٽ ۾ موڪلڻ جي پڻ منظوري ڏئي ڇڏي.

وڌيڪ پڙهو: