سنڌ ۾ ٻوڏ کي هڪ مهينو گذري ويو آهي، پر هن وقت تائين ڪيترائي متاثر کليل آسمان هيٺ بيوس آهن، ڪنهن کي خيمه ۽ راشن ناهي مليو، ڪي ٻارن جي علاج لاءِ پريشان آهن ته ڪي کولرا ۽ مليريا سبب پريشان آهن.
واڙ کان سيوهڻ تائين لکين متاثرين امداد جي منتظر آهن. بدين، ميرپورخاص ۽ ٻين شهرن ۾ به متاثرن امداد جا ڏهاڙا ڏيڻ شروع ڪري ڇڏيا، هنن چيو ته مرڻ مهل ئي کين رحم ايندو.
دادو ۾ گيسٽرو ۽ مليريا سبب فوتين جو انگ 26 ٿي ويو آهي.
نوابشاهه ۾ آصفه ڀٽو زرداري ويٽرنري يونيورسٽي ڀرسان قائم ڪيمپ جو دورو ڪيو، ڪئمپ ۾ آيل ٻوڏ متاثر عورتن سان ملاقات ڪئي ۽ سهولتن بابت ڄاڻ ورتي.
