ڪار سازنحي کي 14 سال گذري ويا. واقعي ۾ پ پ جا 150 کان وڌيڪ ڪارڪن شهيد ۽ 400 کان وڌيڪ زخمي به ٿيا. پاڪستان پيپلز پارٽي جا جيالا سموري ملڪ مان اڳوڻي وزيراعظم بينظير ڀٽو جي ملڪ واپسي تي ان جو استقبال ڪرڻ لاءِ ڪراچي پهتا هئا.

عوام جو هڪ وڏو سمنڊ محترمه جي استقبال لاءِ موجود هو. اڳوڻي وزيراعظم بينظير ڀٽو جو قافلو جلسي گاهه طرف وڌي رهيو هو. ڪارروان کي ان وقت رت ۾ وهنجاريو ويو جڏهن هو ڪارساز پهتا. ٺيڪ رات جو ٻارنهن لڳي 52 منٽن تي 50 سيڪنڊن جي وقفي سان هڪ ٻئي پٺيان ٻه ڌماڪا ٿيا. ڪيس جا 2 ڪيس داخل ڪيا ويا.

ٻئي ايف آءِ آر سنڌ جي اڳوڻي وڏي وزير قائم علي شاهه داخل ڪرائي. ڌماڪي جي جڳهه کي به ان ئي رات ڌوتو ويو هو جنهن سبب ڪيترائي اهم ثبوت ضايع ٿي ويا. پوليس مختلف ماڻهن کي گرفتار ڪري ورتو پر ڪي به ثابتيون نه ملڻ تي انهن کي آزاد ڪيو ويو.

شهيد بينظير ڀٽو پنهنجي ڪتاب ۾ جنهن حزب المجاهدين جي قاري سيف الله اختر جو ذڪر ڪيو ان کان به پڇاڳاڇا ڪئي وئي. سيف الله جو اميگريشن رڪارڊ چيڪ ڪيو ويو ته خبر پئي ته محترمه جي ڪراچي جي جلوس ۾ ڌماڪي وقت هو دبئي ۾ هو ان لاءِ کيس ڇڏيو ويو جيڪو بعد ۾ ڊرون حملي ۾ مارجي ويو هو.

هن ڪيس جي جاچ آفيسر ڊي ايس پي نواز رانجها کي به قتل ڪيو ويو هو. بينظير ڀٽو جي شهادت جي جاچ ڪندڙ گڏيل قومن جي ڪميشن ڪراچي جو به دورو ڪيو ۽ ان واقعي جي باري ۾ ڄاڻ به گڏ ڪئي.
جاچ ٽيم طرفان ٻئي ايف آءِ آر جو سبب بنجندڙ محترمه بينظير ڀٽو جو اهو اهم خط به ڪيترائي ڀيرا درخواستن جي باوجود جاچ اختيارين کي ناهي مليو جنهن سبب جاڳ اڳيان نه وڌي سگهي.