اسلام آباد: وزيراعظم عمران خان چيو آهي ته سندس ٻن خاندانن سان ذاتي ويڙهه ناهي، دوست هئا.
اڪيڊمي ادبيات پاڪستان ۾ تقريب کي خطاب ڪندي وزيراعظم عمران خان چيو ته سڀ چون ٿا توهان ٻن وڏن خاندانن جي پويان آهيو، ٻن خاندانن سان ذاتي ويڙهه ناهي، مان انهن سان دوستي ڪندو هوس.
هن چيو ته ٻه قسم جا چئلينج آهن، هڪ ته اسان کي ڪرپشن قبول آهي، اهي چون ٿا ته اپوزيشن ليڊر سان هٿ نه ملائي، اپوزيشن ليڊر تي اربين رپين جي ڪرپشن جا الزام آهن، انهن سان هٿ ملايو. اپوزيشن ليڊر جو مطلب ڪرپشن کي قبول ڪرڻ.
وزيراعظم چيو ته برطانيا ۾ اربين رپين جي ڪرپشن جا الزام هڻڻ ۽ اسيمبلي ۾ 2 ڪلاڪ ڳالهائڻ جو تصور به نه ٿو ڪري سگهجي، جيڪا قوم چڱائي ۽ برائيءَ جو فرق واضح ڪري ٿي اها مري ويندي آهي.
