مزاحيه ليجنڊ اداڪار عمر شريف جي جنازي نماز ادا ڪئي وئي. عمر شريف جي جنازي نماز سيلاني ويلفيئر جي  علامه بشير فاروقي پڙهائي. مزاحيه اداڪار جي جنازي نماز ۾ سنڌ جي گورنر عمران اسماعيل، صوبائي وزير سعيد غني، مرتضيٰ وهاب، مصطفيٰ ڪمال، خرم شير زمان ۽ ٻين سياسي، سماجي اڳواڻن سميت شوبز شوبز سان لاڳاپيل ماڻهن ۽ هزارين شهرين شرڪت ڪئي.

مرحوم کي حضرت عبدالله شاهه اصحابي جي مزار ڀرسان قبرستان ۾ مٽيءُ ماءُ حوالي ڪيو ويو مزاحيه اداڪار عمر شريف جي جنازي نماز 3 وڳي ادا ڪرڻي هئي پر مداحن جي عقيدت محبت جي اظهار ڪري جنازي نماز ۾ دير ٿي. جنازي نماز ۾ شرڪت لاءِ ايندڙن ۾ پاڻي ۽ فرسٽ ايڊ جو انتظام ڪيو ويو. مرحوم جي آخري رسمن جون سموريون ذميواريون سيلاني ويلفيئر ٽرسٽ طرفان انجام ڏنيون ويون. پارڪ جي ٻاهران جنازي ۾ شرڪت جي لاءِ پارڪنگ جو خاص انتظام ڪيو ويو.

ايس ايس پي سائوٿ موجب ليجنڊ اداڪار عمر شريف جي جناز ينماز ۽ تدفين جي موقعي تي سيڪيورٽي جا سخت انتظام ڪيا ويا. جنازي نماز واري هنڌ 200 کان وڌيڪ پوليس اهلڪار مقرر ڪيا ويا. جنازي نماز ۽ تدفين جي موقعي تي پوليس طرفان 2 ايس پيز ۽  6 ايس ايڇ اوز کي مقرر ڪيو ويو.