سوشل ميڊيا ايپلي ڪيشنز جي ڪجهه ڪلاڪن جي بندش کان پوءِ فيس بڪ جي چيف ايگزيڪٽو مارڪ زڪر برگ جي ذاتي ملڪيت ۾ 6 بلين ڊالرز کان وڌيڪ جي گهٽتائي اچي وئي آهي.
بلوم برگ جي هڪ رپورٽ موجب ڪجهه ڪلاڪن جي دوران اثاثن ۾ 6 بلين ڊالرز جي گهٽتائي کان پوءِ مارڪ زڪربرگ دنيا جي امير ترين ماڻهن جي فهرست ۾ هڪ درجو هيٺ اچي ويو آهي. رپورٽ موجب گذريل ڏينهن اسٽاڪ سلائيڊ تي مارڪ زڪر برگ جي اثاثن جي ماليت 121.6 کان گهٽ ڏسڻ ۾ آئي جنهن کي نظر ۾ رکندي مارڪ زڪر برگ بلوم برگ بلينرز انڊيڪس ۾ مائيڪرو سوفٽ جي شريڪ باني بل گيٽس کان هيٺين درجي 5 تي اچي ويو آهي.
واضح رهي ته گذريل ڏينهن سڄي دنيا ۾ مذڪوره سوشل ميڊيا ايپلي ڪيشنز جي سروس پاڪستاني وقت موجب تقريبن رات جو ساڍي 8 وڳي متاثر هئي ۽ صرف ٽوئٽر سماجي رابطن جي ويب سائٽ هئي جيڪا بحال رهي ان ڪري صارفين ٽوئٽر تي ئي پنهنجي مايوسي جو اظهار ڪندا رهيا.
پاڪستان سميت سڄي دنيا ۾ فيس بڪ، واٽس ايپ ۽ انسٽاگرام جي سروس ڪيترن ئي ڪلاڪن جي بندش کان پوءِ بحال ٿي ويون. فيس بڪ ۽ واٽس ايپ واضح طور تي ايپلي ڪيشنز جي بندش جو ڪوبه سبب ناهي ٻڌايو پر ماهرن طرفان مختلف سبب ٻڌايا پيا وڃن.
