حڪومت خلاف فيصلي واري مارچ جي صورت ۾ پيپلز پارٽي جي پاڪستان ڊيموڪريٽڪ پارٽي (پي ڊي ايم) ۾ ٻيهر شموليت جو امڪان آهي.
ذريعن جو چوڻ آهي ته پي ڊي ايم اڳواڻن جي اڄوڪي ورچوئل اجلاس ۾ ملڪ جي موجوده صورتحال ۽ ملڪ ۾ وڌندڙ مهانگائي جي صورتحال تي غور ڪيو ويندو.
ذريعن جو چوڻ آهي ته پي ڊي ايم اجلاس ۾ حڪومت کي ڊيڊ لائن ڏئي لانگ مارچ شروع ڪرڻ جي تجويز تي غور ڪيو ويندو.
ذريعن موجب اجلاس ۾ حڪومت خلاف فيصلي واري لانگ مارچ تي مختلف سياسي پارٽين جي راءِ طلب ڪئي ويندي، حڪومت مخالف لانگ مارچ جي فيصلي تي اتفاق ٿيڻ جي صورت ۾ پيپلز پارٽي جي پي ڊي ايم ۾ واپسي جو امڪان آهي.
اجلاس ۾ حڪومت کان پيٽروليم شين ۽ بجلي جي قيمتن ۾ گهٽتائي جو به مطالبو ڪيو ويندو.
ياد رهي ته گذريل ڏينهن مسلم ليگ ن جي صدر ۽ قومي اسيمبلي ۾ مخالف ڌر جي اڳواڻ شهباز شريف به پ پ چيئرمين بلاول ڀٽو زرداري ۽ پي ڊي ايم سربراهه مولانا فضل الرحمان کي ٽيليفون ڪري ملڪ جي سياسي صورتحال ۽ حڪومت مخالف تحريڪ تي خيالن جي ڏي وٺ ڪئي هئي. جي حوالي سان بحث ڪيو ويو
