سنڌ حڪومت مڪاني چونڊن جي حوالي سان نئين قانون جي تياري لاءِ اليڪشن ڪميشن کان مهلت گهري ورتي.

اليڪشن ڪميشن جي ٻه رڪني بينچ  سنڌ ۾ مڪاني چونڊن ڪرائڻ بابت ٻڌڻي ڪئي.

اليڪشن ڪميشن رمارڪس ڏنا ته پهريان سنڌ حڪومت جو موقف هو ته آدمشماري جا نتيجا شايع ٿيڻ جو مسئلو آهي، نتيجا شايع ٿئي 6 مهينا گذري چڪا آهن.

اليڪشن ڪميشن ڄاڻايو ته اسان چيف سيڪريٽري کي طلب ڪيو هو، پر اهو پيش نه ٿيو، توهان هڪ مهيني  ۾ ڇا ڪيو؟ ڇو نه توهين عدالت جو نوٽيس جاري ڪري ڇڏيون.

اليڪشن ڪميشن ڄاڻايو ته جيڪڏهن توهان نئون قانون نه آڻيندو ته اسان پراڻي قانون تحت نيون تڪبنديون ڪرائي ڇڏينداسين..