ناڻي جي صلاحڪار شوڪت ترين چيو آهي ته آءِ ايم ايف سان معاهدي جي ويجهو پهچي ويا آهيون،سعودي امداد جو آءِ ايم ايف سان ڪو به واسطو ناهي.

اسلام آباد ۾ حماد اظهر سان گڏ پريس ڪانفرنس ڪندي  شوڪت ترين چيو ته سعودي عرب ناڻي جي ذخيرن جي بهتري لاءِ 4 ارب ڊالر کان وڌيڪ رقم ڏيندو.

هن چيو ته سعودي عرب اسٽيٽ بئنڪ ۾ 3 ارب ڊالر جمع ڪرائيندو.

حماد اظهر چيو ته اميد آهي ته ايندڙ 6 مهينن ۾ عام واهپي جي شين جي اگهن ۾ گهٽتائي اچي ويندي.

هن چيو ته دنيا ۾ کاڌي پيتي وارين شين جي اگهن ۾ واڌ ٿي آهي،يورپ گئس جي قيمتن ۾ 10 سيڪڙو واڌ ڪئي آهي.

وفاقي وزير چيو ته 450 ارب رپين جي ٽيڪس جي رعايت ڏئي چڪا آهيون..