پاڪستان ڪرڪيٽ بورڊ 1998ع کانپوءِ پهريون ڀيرو آسٽريليا جي پاڪستان دوري جو اعلان ڪيو آهي.
پاڪستان ڪرڪيٽ بورڊ پاران جاري ڪيل شيڊول موجب آسٽريلوي ٽيم ايندڙ سال مارچ کان اپريل ۾ پاڪستان جو دورو ڪندي.
پي سي بي موجب دوري ۾ ٻنهي ٽيمن وچ ۾ ٽي ٽيسٽ، ٽي ون ڊي ۽ هڪ ٽي ٽوئنٽي انٽرنيشنل کيڏي ويندي.
ٻنهي ٽيمن وچ ۾ ٽيسٽ ميچون ڪراچي، راولپنڊي ۽ لاهور ۾ کيڏيون وينديون جڏهن ته ون ڊي ۽ ٽي 20 ميچ لاهور ۾ کيڏيا ويندا.
ڪرڪيٽ آسٽريليا جي چيف ايگزيڪيوٽو نک هاڪلي چيو آهي ته ايندڙ ڪجهه مهينن ۾ آپريشنز، سيڪيورٽي، لاجسٽڪ ۽ ڪوڊ پروٽوڪول جي حوالي سان شين کي حتمي شڪل ڏني ويندي.
نڪ هولي چيو ته رانديگرن جي حفاظت اسان جي اولين ترجيح آهي ۽ دوري کي يقيني بڻائڻ لاءِ پي سي بي ۽ ٻين ايجنسين سان گڏجي ڪم ڪنداسين.
ياد رهي ته آسٽريليا آخري ڀيرو 1998 ۾ پاڪستان جو دورو ڪيو هو ۽ ڪينگروز 3 ٽيسٽ ميچن جي سيريز 1-0 تان کٽي هئي.
